Гэр бүл, хүүхэд, залуучуудын хөгжлийн хэлтэс

РД: 4551702

Залуучуудын хөгжлийн чиглэлээр гарсан төрийн бодлого, шийдвэр, хууль тогтоомж, төсөл, үндэсний болон нийслэлийн дэд хөтөлбөрийн хэрэгжилтийг хангах, сурталчлах, залуучуудын хөгжил оролцоог дэмжих, эрсдэлээс урьдчилан сэргийлэх, нийгмийн хамгааллын үйлчилгээг үзүүлэх,  салбар дундын зохицуулалтыг хангах, мэргэжил арга зүйн дэмжлэг үзүүлэх.

Зорилт үйл ажиллагаа:

• Залуучуудын хөгжлийг дэмжих тухай хуулийн зорилтыг хангах хүрээнд төрөөс залуучуудын хөгжлийн эрхзүйн үндсийг тогтоож, нийгмийн хөгжилд оролцох залуучуудын оролцоо, эрх, үүргийг тодорхойлохтой холбогдсон харилцааг зохицуулахад оршино
• Залуучуудын хөгжлийн үндэсний хөтөлбөрийн хүрээнд залуучуудын нийгэм, улс төр, соёлын амьдралд идэвхтэй оролцож, хөгжилд бодитой хувь нэмэр оруулах, таатай орчныг бүрдүүлэх замаар эх оронч үзэлтэй, тусгаар тогтнол, түүх, хэл, өв соёлоороо бахархдаг, байгаль орчноо хайрлан хамгаалдаг, өөрийн гэр бүлийн болон нийгмийн өмнө хүлээх хариуцлага, хуулиар олгогдсон эрх, үүргээ ухамсарладаг өрсөлдөх чадвартай иргэн болоход нь дэмжлэг үзүүлэх
• Нийслэлийн залуучуудын дэд хөтөлбөрийг хэрэгжилтийг хангуулах, Залуучуудын бодит оролцоог нэмэгдүүлж, эерэг хандлагатай, бүтээлч иргэн болгон хөгжүүлэх,
• Залуучуудын чөлөөт цагийн орчин үйлчилгээг шинээр нэвтрүүлж, залуучуудын оролцоог дэмжих, шийдвэр гаргах үйл ажиллагаанд оролцох нөлөөлөл үзүүлэх, хүмүүнлэг, сайн дурын ажилд оролцох оролцоог дэмжих.
• Нийслэлийн залуучуудын хөгжлийн төвийн үйл ажиллагааны дүрэм, журмын хэрэгжилтийг хангахад дэмжлэг үзүүлэх, арга зүй, удирдлагаар хангах, тайлан биелэлтийг нэгтгэх, хяналт тавих
• Зорилтот бүлгийн залуучуудын эрх, хөгжил, оролцоо, хамгааллын талаар хууль тогтоомж, бодлого шийдвэрийн хэрэгжилтийг зохион байгуулах, салбар дундын зохицуулалтыг хангах, мэргэшил арга зүйн дэмжлэг үзүүлэх

ХҮҮХДИЙН ХӨГЖИЛ, ХАМГААЛЛЫН АЛБА

Хүүхдийн эрх хамгааллын чиглэлээр гарсан төрийн бодлого, шийдвэр, хууль тогтоомж, төсөл, үндэсний болон нийслэлийн дэд хөтөлбөр, олон улсын гэрээ конвенцын хэрэгжилтийг хангах, сурталчлах, хүүхдийн хөгжил оролцоог дэмжих, эрсдэл хүчирхийллээс урьдчилан сэргийлэх, нийгмийн хамгааллын үйлчилгээг үзүүлэх,  салбар дундын зохицуулалтыг хангах, мэргэжил арга зүйн дэмжлэг үзүүлэх.

Зорилт үйл ажиллагаа:

• Хүүхдийн эрхийн тухай, Хүүхэд хамгааллын тухай хууль, Зөрчлийн тухай хууль тогтоомжийн хэрэгжилтийг хангах ажлыг зохион байгуулах, сурталчлах, нөлөөллийн үйл ажиллагааг зохион байгуулах.
• Өмчийн бүх хэлбэрийн хүүхдийн зусланг хүүхдийн амралт, сувилал, чийрэгжүүлэлтийн болон оюун ухаан, авьяас чадварыг хөгжүүлэх, амьдрах ухаанд суралцуулах чиглэлээр хөтөлбөр боловсруулахад арга зүйн дэмжлэг үзүүлж, хамтран ажиллах.
• Хүүхэд залуучуудыг соёл урлаг, спортоор дамжуулан хөгжүүлэх, амьдрах арга ухаанд суралцуулах хөгжлийн үйл ажиллагааг хүүхдийн ордон, залуучуудын хөгжлийн төв болон бусад байгууллагыг түшиглэн орон нутагт хэрэгжүүлэхэд бодлого, удирдамж, арга зүйгээр ханган ажиллах.
• Эрсдэлт нөхцөл дахь хүүхдийн эрхийг хамгаалах, дахин эрсдэлд өртөхөөс урьдчилан сэргийлэх, нийгэмшүүлэх үйлчилгээг үзүүлэх, арга зүй олгох.
• Шийдвэр гаргах түвшинд хүүхдийн дуу хоолойг хүргэх, оролцоог нэмэгдүүлэх.
• Нийслэлийн Хүүхдийн төлөө зөвлөлийн бүрэлдэхүүнд хүүхэд, хүүхдийн элчийн төлөөллийг оруулах, хүүхдийн элчийн үйл ажиллагааг төлөвшүүлэх.
• Хүүхэд өсвөр үеийнхнийг хэвлэл мэдээлэл, цахим дахь мэдээллийн сөрөг нөлөөллөөс хамгаалах, эцэг эхийн оролцоотой хяналтыг төлөвшүүлэх.

ГЭР БҮЛИЙН ХӨГЖЛИЙН АЛБА

Гэр бүлийн харилцааг зохицуулах чиглэлээр батлагдсан хууль тогтоомж, төрөөс баримтлах бодлого, шийдвэр, дүрэм журам, төсөл, үндэсний болон нийслэлийн дэд  хөтөлбөр, үзэл баримтлал, Засгийн газрын болон нийслэлийн Засаг даргын үйл ажиллагааны хөтөлбөр, тухайн жилийн эдийн засаг, нийгмийг хөгжүүлэх үндсэн чиглэл, стандарт, олон улсын гэрээ конвенцын хэрэгжилтийг хангах, сурталчлах, гэр бүлийн хөгжлийг дэмжих, хүчирхийллээс урьдчилан сэргийлэх, салбар дундын зохицуулалтыг хангах, мэргэжил арга зүйн дэмжлэг үзүүлэх.

ХАМТАРСАН БАГ: 

• Гэр бүлийн хүчирхийлэлтэй тэмцэх тухай хуулийн 20 дугаар зүйл Хамтарсан баг нь өрхийн эмч, сум, хороо, сургуулийн, халамжийн, хүүхэд, гэр бүлийн хөгжлийн нийгмийн ажилтан, цагдаагийн алба хаагч, энэ чиглэлээр үйлчилгээ үзүүлдэг төрийн бус байгууллагын төлөөллөөс бүрдэх бөгөөд хамтарсан багийг тухайн сум, хорооны Засаг дарга ахална.
• Хөдөлмөр, нийгмийн хамгааллын сайд, Хууль зүй, дотоод хэргийн сайд, Эрүүл мэндийн сайдын 2017 оны 10 дугаар сарын 04-ний өдрийн хамтарсан А/173, А/251, А/380 дугаар тушаалаар “Хамтарсан багийн ажиллах, үйл ажиллагааг санхүүжүүлэх журам”-ыг баталсан.

Зорилт үйл ажиллагаа:

• Гэр бүлийн тухай, Гэр бүлийн хүчирхийлэлтэй тэмцэх тухай хуулиуд болон бусад холбогдолтой хууль тогтоомж, гэрээ конвенц, төрөөс баримтлах бодлого шийдвэрийг олон нийтэд сурталчлах, нөлөөллийн үйл ажиллагааг зохион байгуулах
• Гэр бүлийн хүчирхийллийн хохирогчид дэмжлэг үзүүлэх, хүчирхийллээс урьдчилан сэргийлэх, хамгааллын хариу үйлчилгээний чанар хүртээмжийг сайжруулах хороодын хамтарсан багийн үйл ажиллагааг идэвхжүүлэх, хуулиар хүлээсэн үүргээ биелүүлэхэд шаардлагатай мэдээлэл арга зүйгээр хангах, ур чадварыг нэмэгдүүлэх
• Гэр бүлийн үнэ цэнийг эрхэмлэн, олон нийтэд үлгэр дуурайлал болж буй, нийгэмд хариуцлагатай, авьяас чадвар, хөдөлмөр бүтээлээрээ манлайлж буй гэр бүлийн туршлагыг алдаршуулах “Шилдэг гэр бүл”-ийг шалгаруулах үйл ажиллагааг зохион байгуулах
• Өв соёлыг өвлүүлэн, түгээн дэлгэрүүлэх, удам судраа мэдэж Угийн бичиг хөтлөх аргад суралцах, хэвшүүлэх, хөгжүүлэх үйл ажиллагааг зохион байгуулах
• Гэр бүл, хүүхэд, залуучуудын чиглэлээр ажилладаг мэргэжилтнүүдийг мэргэжил арга зүйн удирдлагаар ханган ажиллах, чадваржуулах, сэтгэлзүйн зөвлөгөөг хосын, бүлгийн, ганцаарчлан өгөх Гэр бүлийн зөвлөгөө, боловсролын онол аргазүйн төвийг ажиллуулах

Уламжлалт арга хэмжээ:  

• Хүүхдийн төлөө үндэсний зөвлөлийн 2018 оны 12-р сарын 03-ны өдрийн 2 дугаар хавсралтаар байгууллага, аж ахуй нэгжийн дэргэд эцэг, эхийн зөвлөл байгуулж ажиллуулах зөвлөмжийг баталсны дагуу үйл ажиллагааг идэвхжүүлэн, хэрэгжилтийг ханган ажиллах
• Эцэг эхийн үүрэг хариуцлагыг нэмэгдүүлэх, гэр бүлийн харилцааг сайжруулах, аливаа эрсдэлээс урьдчилан сэргийлэх “Би хариуцлагатай аав ээж” аян зохион байгуулах
• 2016 оны 02-р сарын 08-ний өдрийн Нийслэлийн Иргэдийн төлөөлөгчдийн хурлын тэргүүлэгчдийн тогтоолын дагуу “Гэр бүлийн өдөр”-ийг тэмдэглэн өнгөрүүлж гэр бүлийн халуун дулаан уур амьсгалыг бий болгож, тогтвортой харилцааг төлөвшүүлэх
• Хүүхдийн хүмүүжлийн эерэг аргыг хэвшүүлэх, зөв хүмүүжил, хандлагатай зөв иргэн төлөвшүүлэх “Хүүхэд хүмүүжлийн эерэг арга” сургалтыг тогтмол зохион байгуулах
• Хүүхэд гэр бүлд чиглэсэн үйлчилгээний нэр төрлийг нэмэгдүүлэх, санал санаачилгыг өрнүүлж, “Хүүхэд, гэр бүлд ээлтэй” байгууллага, үйлчилгээ, орчныг шалгаруулан, олон нийтэд сурталчилна.

-Сургалт, нөлөөлөл

-Нийгмийн ажлын үйлчилгээ, кейс менежмент

-Сэтгэл зүйн үйлчилгээ

-Насанд хүрээгүй гэрч, хохирогч, хариуцагч  хүүхдүүдийг хамгаалах,  хууль зүй, өмгөөллийн үйлчилгээ үзүүлэх

-Үрчлэлтийн асуудлаар судалгаа, ажиглалт, зөвлөгөө өгөх, үрчлэгдсэн хүүхдийн эрх хамгааллын чиглэлээр оролцох

Сошиал сүлжээ: https://www.facebook.com/baganuur.child.gov.mn/