Дүүргийн хэмжээнд Нийслэлийн зооноз өвчин судлалын төв, Эйнжил ХХК нийт 18 обьектын 10990м2 талбайд голомтын эцсийн халдваргүйтгэлыг хийсэн. Мөн хүүхдийн тоглоомын талбайг хариуцсан СӨХ –ууд 7 хоног 2 удаа чийгтэй цэвэрлэгээ болон ариутгал халдваргүйтгэлийг хийж ажиллаж байна. Дулааны улирал эхэлж барилгын ажил эхэлж байгаатай холбогдуулан дүүргийн нутаг дэвсгэрт зөвшөөрөлгүй болон нийтийн эзэмшлийн гудамж талбайг түрж барьсан барилгын хашаа, ухсан суурийн нүх, ойр орчимд аюулгүй байдлыг хангуулахаар байгууллагууд хамтран ажлын хэсгийг байгуулан 2021.03.30-31-ний өдрүүдэд үзлэг шалгалтыг зохион байгуулахаар төлөвлөж байна. ОНХС-ийн хөрөнгөөр 2022 онд хэрэгжүүлэх төсөл арга хэмжээний санал асуулгад 6859 иргэний санал авч 36 %-тай байгаа зэрэг мэдээллийг ТЗУХ-ийн дарга Б.Туяа танилцууллаа.
Өнгөрсөн 7 хоногийн хугацаанд Цагдаагийн хэлтэст гэмт хэрэг, зөрчлийн шинжтэй 37 дуудлага мэдээлэл ирүүлснийг бүртгэн шалгаж байгаа бол Дүүрэг дэх МХХэлтэс хүнсний худалдааны 133 объектод хяналт шалгалт явуулж, 79 зөрчил илрүүлснээс 30 хувийг нь арилгуулжээ. Онцгой байдлын хэлтэс 5 аж ахуйн нэгж, байгууллагын барилга байгууламжид гал түймрийн хяналтын дүрмийн талаар хяналт хийж ажилласан байна.
Өнөөдрөөс /2021.03.29/ Коронавируст /ковид-19/ халдвар илрүүлэх шинжилгээний сорьц авах цэг нь БИЕИЙН ТАМИР СПОРТЫН ХОРОО-нд байрлаж шинжилгээ авч эхэлсэн бол 71 байгууллага, аж ахуйн нэгжийн 4473 хүн, 1230 ахмад настан, хөгжлийн бэрхшээлтэй 23 хүн, нийт 5726 хүн халдварын эсрэг дархлаажуулалтад хамрагдаад байна.
ЭМТ-ийн дарга Д.Шинэбаяр: 2021 оны 02 сарын 27-ны өдөр буяны ажилтай холбоотой Багануур дүүрэгт батлагдсан 5 тохиолдлын хавьтлыг тодорхойлсноор тусгаарлах байранд-10, ойрын хавьтлын өндөр эрсдэлтэй-81, ойрын хавьтлын бага эрсдэлтэй-51 иргэнийг гэрийн тусгаарлалтад хянаж байна. Багануур дүүргээс Налайх дүүрэгрүү буяны ажилд оролцсон 8 иргэнийг тусгаарлаж эхний ээлжийн PCR шинжилгээний хариу СӨРӨГ гарсан. Иргэд халдварын эсрэг дархлаажуулалтад хамрагдах нь өсч байгаа ч цаашлаад дүүргийн хэмжээнд ахуйн үйлчилгээний салбарын ажилчдыг дархлаажуулалтад хамруулах хүсэлтээ НОК-руу хүргүүлээд байна. Мөн нийтийн тээвэр дотор таксины ажилчдыг хамруулах шаардлагатай байгааг хэллээ.
Засаг дарга С.Даваасүрэн Тээвэр зохицуулалтын албаны дарга Б.Оюунбаатарт нийтийн тээвэр, дотор таксины жолооч нарын судалгааг гаргаж дархлаажуулалтад хамруулах ажлыг ойрын хугацаанд зохион байгуулж ажиллахыг үүрэг болголоо. Мөн тусгаарлах байранд байгаа зарим иргэд нууцаар согтууруулах ундаа хэрэглэж удаа зөрчил гаргасан талаар холбогдох байгууллагын удирдлагуудад анхаарууллаа.
Нийслэлийн Засаг даргын 2021 оны 03 сарын 27-ны өдрийн А/221 захирамжийн дагуу хязгаарлалт тогтоогоогүй буюу караоке баарнаас бусад худалдаа үйлчилгээний байгууллагын ажиллах цагийн хязгаарыг 07:00-22:00 цаг хүртэл хугацаагаар тогтоож дүүргийн хэмжээнд хэрэгжилтийг ханган ажиллах бөгөөд шөнийн цагаар явган зорчигч болон тээврийн хэрэгслийг хязгаарлахгүй юм.
Дүүргийн Засаг дарга С.Даваасүрэн ирэх долоо хоногт анхаарч ажиллах дараах үүрэг, чиглэлүүдийг өгснөөр шуурхай хуралдаан өндөрлөлөө.
Нийслэлийн Засаг даргын 2021 оны А/216 дугаар захирамжийн дагуу нийслэлийн төсвийн орлого бүрдүүлэх үйл ажиллагааг эрчимжүүлж, орлогын бааз суурийг нэмэгдүүлэх, мэдээллийн нэгдсэн сан үүсгэж ажиллахНийслэлийн Засаг даргын 2021 оны “Коронавируст халдвар (Ковид-19)-аас сэргийлэх, тархалтыг бууруулах зарим арга хэмжээний тухай” А/221 дүгээр захирамжийн хэрэгжилтийг зохион байгуулж, нэгдсэн удирдлага, арга зүйгээр хангаж, иргэдэд сурталчлан, анхааруулга, зөвлөмж, сэрэмжлүүлгийг шуурхай мэдээлж ажиллахНийслэлийн Засаг даргын 2021 оны “Иргэдийн амьдрах орчныг сайжруулах зарим арга хэмжээний тухай” А/177 дугаар захирамжийн хэрэгжилтийг эрчимжүүлэхНийтийн эзэмшлийн гудамж, талбай, авто зам болон ерөнхий боловсролын сургууль, хүүхдийн тоглоомын талбай, гэр хороолол, орон сууцны хорооллын гудамж, талбайд ил задгай кабелийн болон цахилгааны утасны аюулгүй байдлыг хангуулж, газар дээр нь ажиллаж зөрчлийг арилгах арга хэмжээ авах Дүүргийн нутаг дэвсгэр дэх өнгө үзэмжгүй, эвдэрч гэмтсэн зар сурталчилгааны самбаруудыг цэгцлэх, стандарт, норм, дүрмийг мөрдүүлэх, газар дээр нь ажиллаж зөрчлийг арилгуулахДүүргийн нутаг дэвсгэр дэх авто зам, орон сууцны хороолол дундах өнгө үзэмжгүй, эвдэрч гэмтсэн хайс, бетон хаалтуудыг цэгцлэх, газар дээр нь ажиллаж зөрчлийг арилгуулахИргэд, аж ахуйн нэгж, байгууллагуудыг “Халдварын эсрэг хамтдаа” уриан дор нөлөөллийн арга хэмжээ авч хэрэгжүүлэх, халдвар хамгааллын дэглэм мөрдүүлэх, аж ахуйн нэгж, байгууллага, объектод хяналт тавих, халдварын тархалтыг бууруулах арга хэмжээ авахКоронавирусын цар тахлыг бууруулахад анхаарч, нийт байгууллагууд өөрсдийн байгууллага дээрээ ариутгал халдваргүйтгэлийн ажлыг зохион байгуулахХалдварын эсрэг дархлаажуулалтад идэвхтэй хамруулах ажлыг зохион байгуулахНийслэлээс эрх шилжиж ирсэн хөрөнгө оруулалтын ажлуудын тендер сонгон шалгаруулалтыг хуулийн хугацаанд зохион байгуулахНутгийн захиргааны байгууллагуудын 2021 оны гүйцэтгэлийн төлөвлөгөөг батлуулах ажлын бэлтгэлийг хангахБАГАНУУР ДҮҮРГИЙН ЗАСАГ ДАРГЫН ТАМГЫН ГАЗАР
